Vi skriv 2019, og Vingespenn kjem ut for femte gong!   Då vi starta opp i 2015, blei det vurdert om vi kunne skaffa nok stoff til ei bok kvart år.  Kanskje vi skulle leggja opp til annakvart år?   Resultatet blei at Historielaget ynskte å satsa årleg.   Erfaringane så langt er at det er nok stoff.  Vi har mykje på vent, og heile ni artiklar er alt utsett frå 2019 til 2020. I tillegg har vi mange titlar på lager! Nytt av året er at Nedstrand Bygdemuseum er blitt ein del av Haugalandsmuseet. Laget som dreiv museet har difor endra namn til Nedstrand museum- og historielag. Dei vil samarbeida med Tysvær historielag om VINGESPENN, og er medutgjevar.

 «Livet forstås baklengs men må leves forlengs».  Den danske og verdskjente filosofen Søren Kierkegaard er ikkje minst kjent for dette  visdomsordet.  Han var ein eksistensialist som la stor vekt på at menneska har ansvar for eige liv og fridom til å velja.  I si helsing skriv vår biblioteksjef, Lillian Rushfeldt, at Vingespenn er ein del av vår lokale hukommelse.   Vi i Historielaget meiner det er viktig å kjenna historia i Tysvær for å kunna gjera gode val for samfunnsutviklinga.  Vingespenn kunne såleis vera ein viktig del av folkevaldopplæringa.  Ikkje minst no når vi har fått mange nye folkevalde i Tysvær.   I årets Vingespenn kan ein få innsikt om korleis ein tenkte god og effektiv kommunikasjon. Til dømes blei  Aksdal skysstasjon oppretta for ca 150 år sidan.  Gamle stadnamn som lett hamnar i gløymeboka, er viktige for å skapa lokal identitet og få meiningsberande og gode namn på nye vegar, buområde med meir.  Korleis vaks det fram  næringsverksemder rundt om i Tysvær?  Og ikkje minst i desse tider; korleis starta utviklinga av nye Aksdal for 35 år