Tysvær Historielag er ein svært aktiv organisasjon i kulturlivet i Tysvær.
Den årlege iutgjevinga av Vingespenn er eit flott eksempel på laget sin aktivitet.
Gjennom 29 ulike artiklar er ein innom mange sider av Tysværsamfunnet si historie.
Her formidlar ein forteljingar om personar sine liv i fortid og notid.
I år har ein særleg eit fokus på kvinner. Her møter me Tysværkvinner i alt frå livet på glamorøs teaterscene til trufaste kvardagshandlingar i heimen eller gjennom dugnadsinnsats for fellesskapet i bygda.  Å få ein plass i ei historiebok er ei ære.  "Ærast den som ærast bør", heiter eit ordtak.  Jamen fortjener både kvinnene i Vingespenn og mange fleire å ærast også i framtida.
Forteljingane i Vingespenn gir vidare oss lesare kunnskap om både skule og forretningsliv, om næring og samferdsel, om krig, politikk og utferdstrang.  Ikkje minst den nyaste historia gir mange av ossgjenkjening og tankar om eigen oppvekst og eigne erfaringar.  Slik er boka med på å kalla fram minne og kan vera verdifulle for den enkelte, sjølv om dei aldri får plass i ei slik bok som dette.  Og kanskje kan slike nyoppfriska minne blitil nye artiklar i Vingespenn i åra som kjem.  Ved å dela våre erfaringar og opplevingar, skapar me større breidde og mangfald i vår felles Tysværhistorie.