Årboka 2016 har mellom anna fokus på at det er 150 år sidan Cleng Peerson døydde i Texas. I den samanheng er det fleire artiklar om Tysvær historielag si reise til Clifton i den samanhengen. Det blei ein fin sermoni ved grava til CP der ordførar Sigmund Lier la ned krans.  Elles ynskjer vi å ha variert stoff frå heile Tysvær kommune slik at alle kan finna noko av særleg interesse. Vi meiner det er viktig å få fram næringslivsstoff både når det gjeld våre primærnæringar og anna næringsverksemnd. Vi er glade for å kunne ha med utdrag frå Haukås mekaniske verkstad si 50 års historie. Vi har og fått nytta stoff frå slektsboka om seilskuteskipperen Gudmund Landråk Handelsstader og postkontor er og ein del av næringslivhistoria som vi også vil gi smakebitar av.  Det er også fint å kunne ha med personlege historier som skildrar både oppvekst, arbeidsliv og  bygdelivet. Og så er det viktig å få fram tradisjonsstoff som ofte byggjer på munnlege kjelder som er i ferd med å forsvinna. Stadnamn er ein del av dette.  Vi ynskjer å få fram lokale stadnamn i årbøkene framover. Vi startar med kart over alle gardsnamna i Tysvær og namn i Nedstrandsfjella.  Det er vanleg å markera 50 årsjubileum for konfirmantar. I år er det fyrste året vi kan feira 50 årskonfirmantar i nye Tysvær kommune. Vi markerar dette med bilete av alle Tysværkonfirmantane. Kanskje dette kan bli ein fylgjetong? Sit du på stoff som kan egna seg for Årboka til Tysvær historielag, så høyrer vi gjerne frå deg!