«For å skjøna notid og skapa framtid, må vi kjenna historien».

2015 er på mange måtar eit jubileums- og markeringsår for oss i Tysvær: • I år er det 190 år sidan sluppen «Restauration», - det minste fartøyet som nokon gong har reist over Atlanteren med emigrantar frå Europa til Amerika,  segla frå Stavanger med 52 menneske om bord i 1825.  20 av dei var frå Tysvær.  • I år er det 150 år sidan Cleng Peerson – den norske utvandringas far – fødd på Lervik i Tysvær, døydde og vart gravlagd i Clifton, Texas i 1865. • I år er det 70 år sidan Nazi-Tyskland sin okkupasjon av Noreg og den 2. verdenskrig var slutt. • I år er det 50 år sidan noverande Tysvær kommune vart oppretta.

I dette årskriftet er det ein eller fleire artiklar som speglar desse hendingane. I tillegg er det varierte artiklar frå mange tema og hendingar.